أحزان فلّه

مايٍ رواه بوحشة الوقت هالطينْ
ودانات في محار هي شبه علّه
وصلٍ تبادرْ لك على حد سكّين
تحصد ثمر هالشوك باحزان فُلّه
ياما تهجّيتك وصار اللقا حين
بعض الهجر يا صاحبي صار ملّه
يا فرحة ايامٍ كما وْجيهْ مسكين
ليمن غفا بردان حزنه وظلّه
واثنينّا شدّه تبي سكّة اللين
تنزع من اقصى ضامرٍ كل غلّه
يا البارد المنفي عن "الحاء" و"السين"
ليتك جفافه مرةٍ لو تبلّه
يا لنفحه اللي وقّظتْ ليل نسرين
قل للخزامى فزّ يفداك قلْ له