أصبح خــــــــــــــرس

سَلمتْ شمسك وغابت هالعيون
وهالحرس ...
والفصيح بهالمكان .. أصبح خرس ...

*******
ليتك تغني لي سفر
واغرق واتيه بلا دليــــل ...
واذبح عصافير الوعود ان ما تحَدت أسرها ...

*******
ينصاع لك ظل النهار
اللي مشت لك وردته
هاذي فيافيك انعست
والورد باول سهرته...

*******
آه انتظرتك واحتسبت
تمر لو مثل السراب ...
شفت السراب يحن لامثالي
ويجيني مااعذبه...

*******

من يوم شفتك والمسافه
في عيوني ماابعدت ...
آصلك بالريح ال تهب حذاك
فل ونرجســـــــــــــي ...

*******
ياحيف حزنك ماترك لي غير
حنظل هالجروح
واهملت ياخلي
رحيق ايامي اللي عشتها ...

*******
من عادتي ان ماسليت الجرح
أجمع هالجروح أعدها...
وان ما تساوى صبحها بهمي
أشوفك صبحها...

*******
عطني مواعيدك ولا توفي بها ياسيدي
يكفي تخليني على جمرك
أهوجس وانتظر ...

*******
كيف الدقايق ما تمر الا بعد عشرين عام ؟؟
ليه .. انشدك .. في وحدتي كني الزحام ؟؟

*******
في ذمتك ..
وجهك غمر ليل المكان
اللي أشوفه أو نهار ؟؟
حار المكان اللي يضمك
والزمان اللي يلمك
كيف تبغي ما أحار ؟؟؟

*******
أمدح غياهب هالمكان
ولا أذم أسوارها
مادامك آفاقي .. سما زرقا
و ظلك ما اعذبه ؟؟؟

*******
أطرق سماك السابعه
وان ماتهيا ردها
أكتب بقايا هالحنين
جيتك و روحي معشبه ...

*******
وتحل في عيني طيور
وينبت بكفي سحاب
أفرد بقاياها واسربل هالطيور ببعضها
فجأه يحل بناظري ليلك
واضيق بهالرحـــــــــــــاب ..
ان ماتهيت لك عيون مشمسه
شف غيرهـــــــــــــــا ..

*******
من لي بعد وجهك
يزيل من الليالي همها ؟؟
لو مانت ياعمري
غدت شمسي حليفة هالرمد ...

*******
يا أمسي الباكر
أبغي فضا ما ينتهي به
حظي العاثر ...
كم قلت أنا بكره أكيد يحن لاشراقي ..
فجأه لقيته يوم جا ملهوف
وده يوم أجي .. أضويه بفراقي ..

*******
سلم على شمس تجي بكره
تزورك في المنام
سلم على سرب النهار
واذا مدا حلمك تفك قيود
تبدا بالحمام ...

*******

جنبت نيلي و الفرات
ما اعذبك
جنبت نيلي و الفرات
عجلت تستجدي الهماج
شوفك مع ذوقك
عجاج × عجاج ...
ما أغربك .. الموت كنَه فيك مات ...

*******
يافسحة جنوني
ياوردة ظنوني
يحرجني الأخضر
اذا روحي جدبت ..
و الورده لو مره بكت ...

*******
يا سكَة أوهامي
ريق الوصول من التعب ظامي ..
ياليتني ما أطوي دروبي
أقدامي اللي ما اتعبت
تعبت تجي صوبي ...

*******
يالمنتظر خلف السياج

الوقت عدَا والمكان اللي يضمك
هش .. من وهم و زجاج ...

*******
ليه انت تشبه طعنة مرت عليَ ؟؟
حاولت أذكر وين وجهك شافني
أوصلك وانت " تقطع " لظى ..
وآمد لك ظلٍ و فيْ ..
حاولت أذكر وين نصلك صابني ...

*******
ليت الذي بيني و بينك
كذبة واتجاهلك ...
تستاهل أحلامي
وانا ما استاهلك ...

*******