الشبابيك

هالقلوب بما حوت
من همّها واسرارها...
مثل شبّاكٍ توارى
فيه شالك والحرير
وعينك اللي صبحها فـِ نْعاسها...
***
قال طير الـْ هالشبابيك: افتحي...
قال شبّاك الولَهْ: رفرفْ ترى جرحي صِحِي...
***
العيون اشبه بهاك اللي نحدّه في السما...
العيون اللي تموج بـْ هالعرا
ماي وظما...
***
كلما قلت: اتركي الشبّاك
مفتوحٍ على صمت الزوايا
قالت: اترك لي هديل وريشتين
ورتّب آفاق المرايا
وانْ طرى لك جرح
لا تنسى تلملم ما تبقّى لي
من احلام وشظايا...
***
هالسهر راحة تعبك المستريح...
غافلتك البهرجه
واعمتْك عن شبّاك ريح...